4. "Ecoinvestigadores"

Propoñémosche unha serie de dinámicas grupais para profundar sobre as claves dunha casa sustentábel e a súa relación coas solucións habitacionais que garanten a sustentabilidade.

Para iso, poderán facer un pequeno estudo de campo que lles facilitará o seu traballo de participación.

COMO NOS CONVERTEMOS EN ECOINVESTIGADORES?

Pide aos teus alumnos e alumnas que se agrupen por equipos de 2 a 5, en función do número de alumnos/as que teñas na clase.

Unha vez estean os grupos configurados, pide que elixan a estancia que van investigar e descarga o modelo de debuxo.

Pide a cada grupo que reflexione sobre as problemáticas e que debuxe as súas solucións nos modelos da estancia e, por último, que a monten para obter un prototipo tridimensional.

Tomando como punto de partida os 5 eixos sobre os que debe xirar unha casa sustentábel e os elementos clave que deben ter as súas estancias, pide aos teus alumnos e alumnas que reflexionen sobre os devanditos aspectos e debuxen as súas solucións de forma creativa.

• Hai espazo suficiente para reciclar todos os residuos que se xeran, por exemplo, o aceite de cociña usado?
• Que materiais son os máis eficientes en canto ao illamento e a climatización?
• Existen tellas solares ou outras solucións innovadoras para o autoconsumo?
• Poderíanse aproveitar máis os espazos perdidos como as azoteas ou os tellados?
• Pódense crear espazos modulares que se adapten en función do uso que se lle dá á estancia?
• Poderíase aparcar a bicicleta no teito para aforrar espazo?
• Onde se pode poñer un minihorto ou un xardín vertical?
• Hai espazo para un composteiro ou para un depósito de auga de choiva?

Poñede en común as investigacións e sacade vosas propias conclusións, de forma que vos axuden a enfocar o voso traballo de participación.